Një 46 vjeçar shqiptar ka rënë në prangat e policisë italiane për dhunë në familje. Ka qenë bashkëshortja, e cila pas 17 vitesh terror, ka gjetur guximin dhe ka denoncuar në Bolonja keqtrajtimet që kishte vuajtur prej kohësh nga i shoqi, shpeshherë para fëmijëve të saj të mitur.
Ajo ka treguar se një ndër episodet më të dhunshme ishte kur gruaja harroi të mbyllte derën e shtëpisë. Për ta ndëshkuar, i shoqi e kishte mbyllur në banjë dhe e kishte rrahur, duke e tërhequr zvarrë për flokësh.
“Më vriste çdo herë brenda, sidomos kur më rrihte kur isha shtatzënë, sepse nuk i jetova këto vite, mbijetova”, shprehet gruaja teksa ka folur në polici. Gjyqtari hetues i Bolonjës pranoi kërkesën e Prokurorisë, duke vendosur masën e sigurisë me burg për 46-vjeçarin./abcnews.al
