Pas disa javësh spekulime nëse do të marrin pjesë edhe në Eurovizionin e këtij viti, Izraeli më në fund ka publikuar këngën “Hurricane” e cila do të këndohet nga Eden Golan në Malmö në maj.
Golan është një këngëtare e ri, e cila u zgjodh për të përfaqësuar Izraelin në një konkurs kombëtar dhe kënga më pas u zgjodh brenda vendit, pas disa ndryshimeve.
“Hurricane” është në fakt një version i ri i këngës origjinale “Shi i Tetorit” që Izraeli synonte ta paraqiste në konkurs. Fjalët, megjithatë, u ndryshuan sepse teksti origjinal i këngës ishte qartësisht politik dhe fliste për sulmet që ndodhën më 7 tetor të vitit të kaluar.
Edhe kënga alternative “Dancing Forever” gjithashtu nuk u miratua.
Grupi i Izraelit fillimisht ishte i bindur se nuk donte të ndryshonte këngën në asnjë mënyrë dhe do të tërhiqej nga konkursi. Zëdhënësja e tyre tha për gazetën “Ynet”: “Nuk do t’i ndryshojmë fjalët e këngës, qoftë edhe me koston e pjesëmarrjes në Eurovizion këtë vit”.
Megjithatë, kjo ndodhi përfundimisht pasi u përfshi presidenti izraelit Isaac Herzog, i cili e kërkoi ndryshimin, raporton wiwibloggs.com./abcnews.al
