Presidenti ukrainas Volodymyr Zelenskyy do të zhvillojë një vizitë zyrtare në Turqi të premten për të takuar presidentin Recep Tayyip Erdogan. Sipas një deklarate nga Drejtoria e Komunikimeve e Turqisë, takimi pritet të zhvillohet në Stamboll.
“Vizita do të përfshijë një diskutim të detajuar të rrjedhës së luftës Ukrainë-Rusi, situatën e fundit të kontakteve në lidhje me vazhdimin e Marrëveshjes së Korridorit të Drithit dhe përpjekjet për paqe të qëndrueshme në rajon”, thuhet në deklaratë.
Në bisedime do të trajtohen edhe marrëdhëniet dypalëshe.
Turqia, e vlerësuar ndërkombëtarisht për rolin e saj unik ndërmjetësues midis Ukrainës dhe Rusisë, i ka bërë vazhdimisht thirrje Kievit dhe Moskës që t’u japin fund luftimeve, të cilat filluan në shkurt 2022, nëpërmjet negociatave.
Përpjekjet turke për paqe kanë qenë të frytshme, si marrëveshja historike e drithit në korrik 2022 dhe shkëmbimi i robërve të luftës midis Rusisë dhe Ukrainës. Moska nuk e zgjati marrëveshjen pas korrikut 2023, duke përmendur si arsye kufizimet në eksportet ruse të drithit.
