Socialistët i dhanë dorën e fundit amnistisë penale në Komisionin e Ligjeve, duke pranuar edhe propozimet e demokratit Alibeaj, që të falen edhe protestuesit e opozitës të cilët ndër vite janë dënuar ose janë ende nën gjykim.
Por qeveria nuk pranoi të amnistojë disa protestues të dhunshëm.
Përjashtimi i këtyre rasteve, shkaktoi pakënaqësi tek Alibeja, i cili u largua nga mbledhja.
Komisioni e miratoi amnistinë duke pranuar edhe një propozim të deputetit tjetër të opozitës, Bledion Nallbati.
Të enjten Kuvendi është në provën e 84 votave. PS-së i duhen të paktën 4 vota nga opozita, dhe seanca do të jetë testuese për mazhorancën dhe pakicën parlamentare.
Sipas këtij varianti do të lirohen nga burgu rreth 700 të burgosur, do të mbarojë shërbimi i provës për 2500 mijë të tjerë, dhe 1600 do të përfitojnë ulje dënimi.
Nga amnistia nuk përfitojnë zyrtarët e lartë, të dënuarit për korrupsion, krime në familje apo krime të tjera të rënda.
Të tjerëve ju ulet dënimi me 4 vjet për burrat, dhe me 5 vjet për grata.
Ju pushohet hetimi dhe gjykimi atyre që janë në ndjekje penale për vepra që dënohen me maksimumi 2 vjet burg.
