LUSHNJË– Një aksident rrugor ka ndodhur mbrëmjen e kësaj të premteje në Lushnjë. Një person duke drejtuar një automjet tip “Volkswagen”, ka humbur kontrollin e për pasojë ka dalë nga rruga duke marrë lëndime.
Drejtuesi i automjetit është dërguar menjëherë në spital dhe po mbahet nën kujdesin e mjekëve.
ABC News ka siguruar pamjet nga vendngjarja, ku shihet makina, e cila ka përfunduar në një kanal të mbushur me ujë. Grupi hetimor po punon për zbardhjen e plotë të shkaqeve të aksidentit./ n.m.abcnews.al
