Qindra gra marshuan nëpër Tel Aviv të premten duke i bërë thirrje qeverisë izraelite dhe komunitetit ndërkombëtar të bëjnë më shumë për të ndihmuar në lirimin e pengjeve që po mbahen nga Hamas në Gaza.
Videot e shpërndara në mediat sociale tregojnë gra që mbanin në duar slogane: “nuk ka më kohë” dhe “zgjohu botë”. Sipas dëshmitarëve, në protestë ishin të pranishëm mbi 1500 persona. Autoritetet izraelite nuk kanë dhënë ende një numër zyrtar.
Protesta u thirr nga një organizatë për të drejtat e grave, por në të morën pjesë edhe disa burra.
“Qeveria po merr kohën e saj, por koha e tyre ka mbaruar,” thanë organizatorët në një deklaratë përpara protestës.
Hamasi dhe grupet e tjera morën peng 240 persona në Gaza më 7 tetor. Më shumë se 100 pengje izraelitë dhe të huaj u liruan gjatë një armëpushimi njëjavor në fund të nëntorit, me palestinezët e mbajtur në burgjet izraelite që u liruan në këmbim të izraelitëve.
Izraeli beson se 132 pengje po mbahen ende në Gaza, me rreth 107 që mendohet se janë ende gjallë.
/abcnews.al
