Manchester City dhe PSG kanë marrë fitoret e radhës në Champions League. “Cityzens” shkatërruan me rezultatin 5-1 ekipin e Atalantës. Raheem Sterling ishte më i miri në fushën e lojës, duke shënuar tripletë brenda 10 minutash. Gjithashtu, edhe Aguero shënoi një dopietë, duke treguar se City ka një sulm të frikshëm.
Champions League, Grupi C
Man. City – Atalanta 5-1
Aguero 34′ 38′, Sterling 58′ 64′ 68′
Pesë gola ka shënuar dhe skuadra e PSG-së sot, në takimin kundër Club Brugge në Belgjikë. Kampionët e Francës ishin të pandalshëm në këtë takim dhe sulmuesit Mbappe-Icardi bënë ndeshje të shkëlqyer. Argjentinasi shënoi dopietë, ndërsa Mbappe e gjeti rrjetën tre herë, duke shkatërruar Brugge.
Real Madrid është mjaftuar me një gol të Toni Kroos në transfertën turke kundër Galatasaray, me mesfushorin që shënoi një gol të bukur në mesin e pjesës së parë. Në Grupin A, PSG udhëheq me 9 pikë, ndërsa Reali i vendit të dytë ka vetëm 4 pikë pas tre ndeshjesh./abcnews.al
Champions League, Grupi A
Club Brugge – PSG 0-5
Icardi 7′ 63′, Mbappe 61′ 79′ 83′
Galatasaray – Real Madrid 0-1
Kroos 18′
