Shtetet e Bashkuara thanë të premten se po përgatisin mbështetje logjistike ushtarake dhe ndihmë për rajonet në Japoni të shkatërruara nga një tërmet shkatërrimtart që vrau 94 njerëz, detyroi rreth 33,000 njerëz të lënë shtëpitë e tyre dhe mbi 200 të tjerë ende nuk janë gjetur.
“SHBA është këtu për të mbështetur mikun dhe aleatin tonë në përgjigjen e saj ndaj tërmetit. Mbështetja logjistike ushtarake, ushqimi dhe furnizimet e tjera janë duke u përgatitur,” shkroi ambasadori i SHBA në Japoni Rahm Emanuel në rrjetin social X, shkruan Reuters.
Japonia është në bisedime me SHBA-në për ndihmën urgjente dhe refuzoi ofertat për ndihmë nga vende të tjera, përfshirë Kinën për momentin.
“Ne nuk po pranojmë asnjë personel ose ndihmë materiale nga vende ose rajone të tjera për momentin duke pasur parasysh situatën në terren dhe përpjekjet që do të kërkoheshin për t’i marrë ato,” tha zëdhënësi i lartë i Japonisë, Yoshimasa Hayashi.
Një zyrtar amerikan i cili nuk pranoi të emërohej i tha Reuters se dy qeveritë po koordinonin për ndihmën e mundshme nga trupat amerikane./abcnews.al
