Në pikën kufitare të Morinës janë krijuar rradhë të gjata të autobotëve me naftë.
Drejtuesit e mjeteve thonë se janë të detyruar të presin deri në 8 orë në doganë për shkak të analizave që i kërkojnë ti nënshtrohet nafta që eksportojnë.
Për drejtuesit e mjeteve të cilët transportojnë naftë drejt Kosovës, procesi i analizave është i panevojshëm pasi e gjithë procedura duhet të realizohet në momentin e furnizimit ose të cdoganimit dhe jo ne pikat kufitare.
Burime nga dogana thonë se ky proces ka nisur të kryhet prej disa muajve dhe është në vazhdën e operacioneve që është ndërmarrë nga Drejtoria e Pergjithshme e Doganave dhe udhëzimeve të përbashkëta të qeverisë shqiptare dhe asaj të Kosovës.
Procesi i zhdoganimit për këtë lloj produkti që transportohet në Kosovë kryhet në Durrës pranë doganës së Kosovës që është vendosur prej dy vitesh në portin kryesor të Shqiperisë./abcnews.al
