Autoritetet e Floridës kanë arrestuar një nënë 47-vjeçare, pas dhunës që kishte ushtruar ndaj djalit të saj 6-vjeçar. Djali kishte hequr hequr rripin e sigurimit, gjatë udhëtimit me makinë, sipas informacioneve.
Pamela Gladys Gensel u arrestua të mërkurën e kaluar, ndërsa prokurori shfaqi të nesërmen në gjykatë një video, ku shihet 47-vjeçarja duke goditur djalin e vogël, të cilit i shkaktoi mavijosje.
Në video, 47-vjeçarja shihet fillimisht duke e tërhequr fëmijën nga flokët, duke e hedhur në trotuar dhe më pas duke e rrahur. Sipas të njëjtave burime, fëmija kishte nisur të qante dhe i lutej nënës që të ndalonte. Dhuna ka ndodhur në fakt teksa në makinë ndodheshin dy fëmijët e tjerë të 47-vjeçares, 7 dhe 3 vjeç.
Ajo u tha oficerëve që e arrestuan se donte t’i jepte një mësim fëmijës së saj, duke shtuar se e vetmja gjë që bëri ishte që t’i jepte disa shpulla 6-vjeçarit. Oficerët që ekzaminuan fëmijën gjetën mavijosje në shpinë dhe mavijosje në fytyrë, duar dhe pëllëmbë.
47-vjeçari u lirua pasi kishte dorëzuar garancinë prej 5000 dollarësh.
/abcnews.al
