Një 24-vjeçar është arrestuar nga policia në vijim të operacionit policor të koduar “Polinomi”.
Kledis Dibra ishte pjesë e një grupi kriminal, ku bashkë me disa persona, kanë djegur 4 automjete dhe kanë vjedhur 6 banesa në Vaun e Dejës dhe në Shkodër.
I riu, së bashku me Gerisjan Duli, Rasim Gorrila dhe Fatjon Jubani, të cilët u arrestuan të hënën, dhe Amarildo Ndoj, i cili është ende në kërkim, kanë djegur 4 automjete, ndërsa gjatë periudhës shtator-nëntor 2023, kanë vjedhur shuma parash dhe sende personale në 6 banesa.
Në cilësinë e provës materiale është sekuestruar një automjet që dyshohet se është përdorur nga këta shtetas, për të shkuar në vendngjarjet./abcnews.al
