“Na është dashur të shpëtojmë Milanin nga falimentimi, pra nga rënia në Kategorinë D. Po punojmë me pasion dhe tifozët të jenë të sigurt që duam të rikthehemi në majë“, theksoi Ivan Gazidis në ditën e prezantimit të Stefano Piolit.
Silvio Berluconi ka replikuar me administratorin e deleguar të kuqezinjve, duke mos e kursyer ironinë me të. Ish-kreu legjendar i Milanit vazhdon dhe tregon mënyrën se si “Djalli” mund të rikthehet përsëri në majë.
“Kush e ka thënë diçka të tillë? Gazidis? Ah… Nuk mund të thuhen këto fraza. Nëse dikush ka qejf ta bëjë, le të shkojë në tualet, të mbyllë derën dhe të flasë. Ka vetëm një mënyrë për të rikthyer Milanin e madh. Është e thjeshtë, por e vështirë për ta realizuar: të ma rikthejnë përsëri mua“, thekson Silvio Berlusconi. /abcnews.al
