Iniciativa për rrëzimin e ligjit për gjykatën speciale është një plan i menduar mirë i presidentit të Kosovës Hashim Thaçi dhe bandës së tij. Në këtë mënyrë nis raportimi i mediave serbe duke cituar deklaratën e kryetarit të të komitetit për Kosovën në Asamblenë kombëtare serbe, Milovan Drecun. Ai shtoi se plani i Thacit është që të dërgojë një mesazh për komunitetin ndërkombëtar se mund të destabilizojë situatën në Kosovë nëse ai dhe banda e tij akuzohen për krimet e kryera nga UCK-ja.
Në një intervistë për mediat serbe Drecun tha se me këto lëvizje Thaçi po sfidon Uashingtonin dhe Brukselin, të cilat influencojnë në hyrjen në fuqi të këtij ligji për Gjykatën Speciale. Sipas tij Thaçi po tregon artë se ai dhe ish-liderët e tjerë të UCK-së kanë frikë nga akuzat e kësaj gjykate
Drecun përmendi se peticioni për rrëzimin e ligjit u firmos nga 16 mijë veteranë të UCK-së duke treguiar se në Kosovë ata kanë pushtetin. Sipas tij ata janë 16 mijë ish terroristë që mund të bëjnë gjithcka nëse do të akuzohen për krime. Drecun këmbënguli se Serbia duhet të vazhdojë të ushtrojë presion diplomatik për funksionimin e gjykatës speciale dhe të mbledhë sa më shumë prova për krimet që janë kryer.
Gjykta speciale u vendos të krijohej pas një raporti të këshillit të europës ku raportuesi Dik MArti foli për krimet e kryera nga anëtarëte UCK-sëndaj minoriteteve etnike dhe rivalëve politikë në periudhën 1998 – 2000.
Sipas raportimit të mediave ndër ata që mund të arrestohen është dhe Daut Haradinaj, vëllai i kryeministrit të Kosovës Ramush Haradinaj./abcnews.al
