Presidenti i Serbisë, Aleksandër Vuçiç deklaroi pas takimit me homologun kinez, Xi Jinping, se një ndër temat për të cilat kanë diskutuar është situata në Kosovë dhe se kanë gjetur mirëkuptim në lidhje me këtë.
Vuçiç u shpreh se biseda ishte jashtëzakonisht miqësore për të gjitha temat e rëndësishme, shkruan Euronews Serbia.
“Kësaj radhe më duket për një nuancë më shumë se më parë folëm për Kosovën dhe respektimin e normave ndërkombëtare-publike-juridike, për atë që po kalon Serbia dhe aplikimin e standardeve të dyfishta. Kemi hasur në mirëkuptim absolut nga miqtë tanë kinezë”, tha Vuçiç duke iu drejtuar gazetarëve.
Ndër të tjera, presidenti serb njoftoi se me presidentin Xi ka biseduar edhe për tema të tjera të rëndësishme, nga bashkëpunimi në të gjitha fushat e ekonomisë dhe ekonomisë, deri te bashkëpunimi ushtarako-teknik, i cili është jashtëzakonisht i rëndësishëm për Serbinë./abcnews.al
