Zëdhënësi i Brigadave Al-Qassam të Hamasit, Abu Obaida, u bëri thirrje palestinezëve që të “qëndrojnë të palëkundur” dhe të mos i përgjigjen thirrjeve izraelite për të lënë shtëpitë e tyre, në një mesazh audio të transmetuar në Al-Aqsa TV të premten.
“Izraeli po largon palestinezët nga shtëpitë dhe tokat e tyre për herë të dytë dhe ne i jemi përgjigjur krimeve sioniste duke i vënë në shënjestër ata dhe Ben Gurion. I vetmi drejtim që ne po migrojmë është kthimi në tokat tona të ligjshme.”, tha ai, shkruan CNN.
“Zhvendosja dhe internimi nuk janë për ne, Izraeli po kryen luftë psikologjike përmes kërcënimeve dhe historisë së tyre të errët, që tregon se ata kryejnë krime dhe vrasje si një formë ndëshkimi kolektiv”, shtoi zëdhënësi.
Obaida u bëri thirrje palestinezëve që të jenë të durueshëm dhe të palëkundur, dhe fitorja do të jetë e tyre.
Izraeli u ka bërë thirrje të gjithë civilëve në Gazën veriore që të lënë shtëpitë e tyre dhe të shkojnë sot në jug përpara një pushtimi të mundshëm tokësor në përgjigje të sulmeve terroriste të Hamasit që vranë më shumë se 1300 njerëz./abcnews.al
