Policia ka arrestuar gjatë ditës së djeshme një person të dënuar për vrasje në vitin 1997.
Pavarësisht se ishte i dënuar dhe kërkohej ai lëvizte me armë në brez duke bërë që policia të organizonte një plan operacion të posaçëm për kapjen e tij.
Abcnews.al mëson se i arrestuar quhet Gentian Balla.
“Në momentin që Policia ka ndërhyrë për të ndaluar ndaluar automjetin, 40-vjeçari G. B., banues në Shijak ka braktisur mjetin dhe ka tentuar të largohet me vrap duke hedhur edhe armën e zjarrit në tokë, por është kapur dhe prangosur në flagrancë nga shërbimet e policisë, të cilat kishin ngritur perimetër sigurie për të mos lejuar largimin e tij”, bën me dije policia.
Policia thekson se i arrestarit është person me rrezikshmëri të lartë, me precedent kriminal në fushën e krimeve ndaj personit dhe ka qenë i dënuar më parë me 15 vite burg për veprën penale “Vrasja me dashje”, ngjarje e ndodhur në vitin 1997.
Në momentin që ka kuptuar operacionin e policisë, Balla ka braktisur makinën e tij, ndërsa i janë kapur në mjet edhe 13 fishekë. /abcnews.al/
