“Derbi i Londrës” ndaj Fulham rezultoi të ishte “magjik” për “bomberin” shqiptar të Chelsea, Armando Broja, i cili në minutën e 20’ të sfidës çoi shifrat në 0 me 2, duke “vulosur” fitoren e “bluve”, në “Craven Cottage”.
Pas reagimeve të shumta të mediave dhe trajnerit Pochettino, mbi performancën fantastike të Brojës, një video-mesazh drejtuar tifozëve të Chelsea e ka regjistruar dhe vetë “bomberi”, i cili shprehet se është shumë i lumtur për gjetjen e golit dhe 3 pikëve në një sfidë të vështirë, si ajo ndaj Fulham.
“Përshëndetje tifozë të Chelsea, këtu është Armando Broja. Ka qenë një rrugë e gjatë nga rikuperimi dhe dëmtimi, por më në fund jam kthyer dhe mirënjohës për startin tim të parë sot (dje). Akoma më mirë të shënoja dhe të fitonim. Kështu që tre pikët për ne sot (dje) dhe një natë perfekte. Shëndet miq”,- u shpreh “bomberi” shqiptar në video-mesazhin e tij. /i.m /abcnews.al
Video-mesazhi i Armando Brojës:
Take it away, Armando! ?️ pic.twitter.com/WIFhS7AMAO
— Chelsea FC (@ChelseaFC) October 2, 2023
