Ushtari amerikan Travis King zbarkoi sot herët në një bazë ushtarake amerikane në Teksas pasi u dëbua nga Koreja e Veriut, kufirin e së cilës ai kaloi dy muaj më parë.
? WATCH: US soldier Travis King arrived back in the US after being expelled by North Korea for illegally crossing into the country back in July. pic.twitter.com/Rv05AUWaGp
— 鳳凰資訊 PhoenixTV News (@PhoenixTV_News) September 28, 2023
King mbërriti në një fluturim ushtarak amerikan në bazën e përbashkët San Antonio-Fort Sam Houston, tha një zyrtar i Departamentit të Mbrojtjes të SHBA.
Pamjet e transmetuara në televizion tregojnë një grup njerëzish që dilnin nga një avion në bazën ushtarake.
King pritet t’i nënshtrohet testeve në Brooke Army Medical Center, një spital në bazën e përbashkët San Antonio-Fort Sam Houston. Qeveria amerikane ka thënë se pas kthimit të King, ai fillimisht do të vlerësohet dhe më pas do të kalojë një proces riintegrimi për t’u ribashkuar me familjen e tij.
King, 23 vjeç, kaloi në Korenë e Veriut nga Koreja e Jugut më 18 korrik gjatë një vizite të organizuar civile në Zonën e Çmilitarizuar që ndan dy vendet dhe u arrestua menjëherë nga autoritetet koreano-veriore.
/abcnews.al
