Moti i keq që ka përfshirë vendin këtë të hënë ka sjellë bllokimin e disa turistëve të huaj në Kanionin e Langaricës në Përmet.
Sipas informacioneve mësohet se turistët janë bllokuar për shkak të prurjeve të mëdha të ujit.
Ngjarja ka ndodhur mesditën e sotme, ku emergjencat civile në Përmet kanë ngritur alarmin dhe janë nisur në ndihmë të turistëve.
Ndërkohë shkak për bllokimin e tyre janë bërë reshjet e dendura të shiut dhe dalja nga shtrati i lumit të Langaricës.
Për kërkimin, shpëtimin dhe dhënien e ndihmës për në vendin e ngjarjes kanë shkuar forcat e shërbimit zjarrfikës të Bashkisë Përmet.
Kjo nuk është hera e partë që është shënuar një incident i tillë në këtë zonë pasi të gjithë turistët preferojnë të eksplorojnë zonën pa udhërrëfyes, ndërsa sinjalistika parandaluese për zonat me rrezikshmëri nuk mungon./abcnews.al
