Lajm jo i mirë për Bayern Munich. Mbrojtësi i majtë, David Alaba, pësoi një dëmtim në ndeshjen e Champions League kundër Tottenham dhe do të duhet të mungojë për disa kohë. Klubi gjerman ka dalë me një komunikatë ku sqaron gjendjen e lojtarit të kombëtares austriake.
Thuhet se Alaba ka pësuar një frakturë në brinjë dhe gjithçka është zbuluar nga kontrollet mjekësore të detajuara që ka bërë mjeku i klubit, Hans-Wilhelm Müller-Wohlfahrt. Nuk ka një periudhë rikuperimi.
Alaba do të ndjekë udhëzimet e stafit mjekësor dhe shpresohet që ta kalojë sa më shpejt këtë problem. Më vonë mund të mësohet më shumë në lidhje me kohën e rikthimit në fushë./abcnews.al
