Lideri kryesor i opozitës së Koresë së Jugut është dërguar me urgjencë në spital pas 19 ditësh grevë urie kundër politikave të qeverisë.
Lee Jae-myung, udhëheqësi i Partisë Demokratike të Koresë, filloi grevën e urisë më 31 gusht, duke akuzuar qeverinë për keqmenaxhim, kërcënime ndaj lirisë së shtypit dhe dështimin e saj për të kundërshtuar shkarkimin e ujit bërthamor.
Kim Gi-heon, kreu i partisë në pushtet të Koresë së Jugut, i bëri thirrje Lee për t’i dhënë fund grevës së urisë, duke thënë se ai ishte i gatshëm të diskutonte çështjet e politikës me të.
Disa orë pasi Lee u dërgua në spital, prokurorët thanë se kërkuan një urdhër arresti për të. Lee akuzohet për shpërdorim detyre në lidhje me humbjen e 15 miliardë dollarëve nga Seongnam Development Corporation gjatë mandatit të tij si kryebashkiak i qytetit të Koresë së Jugut të Seongnam, thanë prokurorët.
Në të njëjtën kohë, ata e akuzojnë Lee për ryshfet në lidhje me një kompani, e cila dyshohet se ka transferuar ilegalisht fonde prej tetë milionë dollarësh në Korenë e Veriut. Lee i ka mohuar të gjitha akuzat, duke i quajtur ato “fiction” dhe një “komplot politik”.
/abcnews.al
