Nisja hetimeve nga autoritetet e Sao Paulo, për akuzat e dhunës në familje i ka kushtuar jo pak, anësorit brazilian të Manchester United, Anthony, me këtë të fundit që është përjashtuar nga Kombëtarja e Brazilit për përballjet e shtatorit ndaj Bolivisë e Perusë.
Vendimi u bë me dije nga vetë Federata Braziliane e Futbollit, të cilët me një komunikatë për mediat, mbrëmjen e së hënës njoftuan largimin e Anthony nga Kombëtarja dhe thirrjen e “bomberit” të Arsenal, Gabriel Jesus në vend të tij.
“Në lidhje me akuzat nga Anthony, të cilat u bënë të ditura të hënën e 4 shtatorit dhe të cilat duhet të hetohen, dhe për të mbrojtur viktimën e supozuar, lojtarin, kombëtaren e Brazilit dhe Konfederatën e Futbollit të Brazilit, ju informojmë se futbollisti është përjashtuar nga skuadra”,- shkruhej në komunikatë. /i.m /abcnews.al
