Katër astronautë që kaluan gjysmë viti në Stacionin Ndërkombëtar të Hapësirës shkelën përsëri në Tokë. Kapsula e SpaceX Dragon Endeavour u ul me parashutë në brigjet e Jacksonville, Florida, duke ofruar një pamje unike për banorët e pjesës verilindore të shtetit pak pas mesnate.
Para se të niseshin nga stacioni hapësinor, ku jetonin që nga muaji mars, astronautët kishin shprehur dëshirat e tyre të para. Dushi i nxehtë, kafeja me avull dhe ajri i oqeanit, ishin dëshirat e astronautëve.
Kthimi i tyre u vonua me një ditë për shkak të motit të keq, por në fund ia dolën dhe kapsula kaloi qiellin mbi Kepin Canaveral.
Astronautët nuk mund ta besonin se ishin kthyer.
Një ndryshim i ekuipazhit në Stacionin Ndërkombëtar Hapësinor do të ndodhë më vonë këtë muaj pasi SpaceX lëshoi me sukses anijen kozmike Dragon me katër anëtarë të ekuipazhit nga Kepi Canaveral në Florida në fund të gushtit. Stacioni tani është shtëpia e shtatë astronautëve.
Ekipi i ri përbëhet nga astronautë nga Danimarka, Japonia dhe Rusia. Ai shënon misionin e parë amerikan me një astronaut nga një vend tjetër.
Kthimi i së hënës shënoi udhëtimin e katërt në hapësirë për Dragon Endeavor, pasi SpaceX fluturoi me misionet Axiom-1, Crew-2 dhe Demo-2.
Welcome home, #Crew6!
After six months of science and discovery aboard the @Space_Station, our Crew-6 team splashed down at 12:17am ET (0417 UTC) and will be picked up shortly by recovery teams. pic.twitter.com/zf635dfUKF
— NASA (@NASA) September 4, 2023
