Sekretari britanik i arsimit këtë të hënë ka deklaruar se qindra ndërtesa të tjera shkollore në Britani pritet që të shemben pasi rrezikojnë jetën e fëmijëve.
Mediat shkruajnë se autoritetet pas inspektimeve të kryera në këto institucione shprehen se 104 shkolla duhet që të mbyllen të gjitha ose një pjesë të ndërtesave të tyre pasi në to u gjet betoni i vjetër dhe i paqëndrueshëm.
Zbulimet për shembjen e godinave të shkollave , pak ditë para fillimit të vitit të ri shkollor, kanë zemëruar prindër dhe mësues dhe janë një kokëçarje e re politike për kryeministrin Rishi Sunak .
Çështja përforcon përshtypjen se infrastruktura publike jetike në Britani po shkatërrohet.
Sekretarja e Arsimit, Gillian Keegan tha se qeveria ishte ende duke pritur për të marrë përgjigje nga rreth 10% e 15,000 shkollave në Angli, të cilave u janë dërguar pyetësorët për të identifikuar ata që janë në telashe.
Nga ana tjetër opozita akuzoi Sunak për “vënien e jetës së fëmijëve në rrezik” ndërsa vuri në dukje se ai injoroi paralajmërimet e përsëritura për shkollat që po shemben./abcnews.al
