Australia ka evakuuar me sukses një studiues të sëmurë të Antarktidës nga një post i largët në kontinentin e akullt. Një operacion urgjent shpëtimi filloi javën e kaluar për të arritur tek njeriu, i cili ka gjendje shëndetësore jo të mirë.
Misioni kërkonte një ekip të kërkimit mjekësor, një anije masive akullthyese dhe dy helikopterë. Burri tani është rrugës për në Tasmania, ku do të marrë vlerësimin dhe kujdesin e specializuar.
Në një përditësim të hënën, Programi Australian Antarktik (AAP) tha se studiuesi ishte dërguar me avion në akullthyesin e tij, RSV Nuyina.
Anija kishte udhëtuar më shumë se 3,000 km për ta arritur atë. Të dielën, u konsiderua mjaft afër stacionit të kërkimit Casey për dy helikopterë- me një ekip të kërkimit mjekësor në bord- për t’u vendosur.
Objektet mjekësore janë të kufizuara në stacionin e kërkimit dhe vetëm rreth 20 njerëz jetojnë atje gjatë dimrit kur kushtet janë të këqija.
Me përfundimin e fazës së parë të misionit të shpëtimit, anija pritet të mbërrijë në qytetin e Hobart javën e ardhshme.
“Ekspedicioni do të kujdeset në objektin mjekësor të pajisur dhe të projektuar posaçërisht në Nuyina nga mjekët tanë dhe stafi mjekësor i Spitalit Royal Hobar”, tha Robb Clifton i AAP
“Kthimi i këtij ekspedituesi në Tasmani për kujdesin mjekësor të specializuar është prioriteti ynë”, shkruan BBC.
Australia kërkon që të gjithë studiuesit e dërguar në Antarktidë t’i nënshtrohen ekzaminimeve të gjata mjekësore. Evakuimet në një nga zonat më jomikpritëse të planetit janë shpesh komplekse, të shtrenjta, të mbushura me rrezik dhe mund të kërkojnë ndihmë nga partnerët ndërkombëtarë.
