Një 22 vjeçar ka vdekur si pasojë e lëndimeve që ka marrë pas një aksidenti në rrugën “Gjergj Sokoli” në Gjakovë, ka bërë të ditur për KosovaPress, zëdhënësi i Policisë për këtë rajon, Sheremet Elezaj.
Ai ka thënë se të përfshirë në aksident kanë qenë një automjet dhe një motoçikletë.
“Rreth orës 18:30 kemi pranuar informatë për aksident trafiku në rrugën “Gjergj Sokoli”- Gjakovë. Policia ka dalë në vend-ngjarje ku të përfshirë në aksident kanë qenë një automjet dhe një motoçikletë. Për pasojë ngasësi i motoçikletës (mashkull i lindur në vitin 2001) për shkak të lëndimeve është dërguar në spitalin rajonal në Gjakovë ku edhe ka ndërruar jetë. Lidhur me rastin është njoftuar prokurori i shtetit me vendim e të cilit një person është ndalur në mbajtje”, ka thënë Elezaj.
Ai ka bërë të ditur se rasti është duke u trajtuar nga Njësia Rajonale e Komunikacionit Rrugor.
