Lazio ka njoftuar sot arritjen e marrëveshjes për rinovimin e kontratës me sulmuesin Feleipe Caicedo. Futbollisti 31-vjeçar ka nënshkruar deri në vitin 2022 dhe do të vijojë të jetë një alternative mirë për trajnerin Simone Inzaghi.
✍️ | #Caicedo2022#FeliPanther ha rinnovo il contratto con il club fino al 2022! pic.twitter.com/OMVMrzQRCr
— S.S.Lazio (@OfficialSSLazio) October 1, 2019
Në klubin italian po mendojnë edhe për një tjetër lëvizje. Misioni i drejtorit sportiv, Igli Tare, është të bindë mesfushorin Marco Parolo të firmosë. Edhe pse 34 vjeç, te Lazio e shohin ende një lojtar të rëndësishëm për mënyrën se si Inzaghi e ka ndërtuar lojën.
Plani është që Parolo të rinovojë deri në vitin 2021, pra t’i shtohet edhe një vit tjetër në kontratën e tij. Paga e lojtarit planifikohet të jetë e njëjtë, 1.4 milionë euro. E gjitha kjo bëhet si një shenjë vlerësimi për sezonin e fundit. /abcnews.al
