Detaje të reja janë zbardhur në lidhe me arrestimin e tre të rinjve në makinën e të cilëve është kapur dhe sekuestruar një pako kokainë ku vizatuar ‘tre yje’.
Gazetarja Xhensila Kodra raporton për ABC News se të arrestuarit, Andrea Dema 24 vjeç dhe Robert Domi 30 vjeç nga Shijaku ishin dhe dy të rinjtë të cilët siguronin lëndën narkotike në qytetin e tyre dhe më pas e sillnin në Tiranë.
Sipas informacioneve mësohet se ato ja jepnin drogën bashkëpunëtorit të tyre Genis Mustafës 27 vjeç dhe ky e shpërndante në zona të ndryshme të kryeqytetit.
LEXO EDHE: EMRAT/ Kokainë ‘me tre yje’ në Tiranë, pranga tre të rinjve
Ndërkaq sipas policisë tre të rinjtë në bashkëpunim me njëri tjetrin, furnizonin disa rrjete shpërndarësish, në rrugën “Myslym Shyri”, në Rrugën e Durrësit dhe në zonën e 21-Dhjetorit.
Në cilësinë e provës material është sekuestruar 1 kg e 52 gramë lëndë e dyshuar narkotike kokainë, 4 aparate celulare, 1400 euro dhe 78 900 lekë./abcnews.al
