Mjekët psikiatër në Elbasan ngrenë shqetësimin se po rritet numri i të rinjve që shfaqin probleme të shëndetit mendor.
Përdorimi i lëndëve narkotike dhe alkoolit janë shkaqet kryesore.
“Kryesisht për shkak të abuzimit me substance narkotike apo me alkool, pjesa më e madhe e të rinjve shfaqin çrregullime psikologjike ose humori të shkaktuara nga përdorimi i substancave”, ka thënë mjeku.
Mjeku Andi Andoni thotë se përveç vizitave janë rritur edhe shtrimet në spitale.
“Gjendja e tyre shkon edhe drejt hospitalizimeve në spitalin tonë psikiatrik për shkak se përdorimi I tepërt i alkoolit shkakton psikoza, sjellje agresive dhe tashmë të udhëhequra nga problemet e shëndetit mendor nuk mund të menaxhohen nga familjarët”, është shprehur ai.
Gjatë verës në shtimin e rasteve ndikojnë edhe temperaturat e larta.
“Rrit ndjenjën e ankthit të stresit, ose temperaturat e larta shtojnë më shumë ankth te pacientët”, ka thënë mjeku psikiatër.
Rritja e numrit të personave që vuajnë nga problemet e shëndetit mendor po çon drejt ezaurimit edhe kapacitetet në Spitalin Psikiatrik të Elbasanit. Te lire jane vetem tre shtreter.
Aktualisht të shtruar janë 315 pacientë ndërsa i gjithë Spitali Sadik Dinçi ka në total 318 shtretër./abcnews.al
