Një sherr mes disa personave ka ndodhur këtë të hënë në Elbasan. Dy persona janë konfliktuar me dy vëllezër dhe më pas kanë qëlluar me armë zjarri në ajër. Mësohet se në kërkim janë shpallur shtetasit Ambri Sinakoli, 28 vjeç dhe Erion Çapja, 44 vjeç ndërsa është arrestuar Marvis Preçi.
Ky i fundit akuzohet për përkrahje të autorit të krimit dhe veprime që pengojnë zbulimin e së vërtetës. Sipas policisë, janë shpallur në kërkim edhe dy të tjerë me po të njëjtën akuzë, të moskallëzimit të krimit. Policia ka sekuestruar makinën e dy autorëve ndërsa vijon punën për kapjen e tyre./abcnews.al
