Liverpuli mposhti 1-2 Chelsean në transfertë, duke marrë fitoren e gjashtë në po kaq ndeshje në Premier League. Të kuqtë e drejtuar nga Jurgen Klopp ishin shumë pranë titullit kampion sezonin e shkuar, por u mposhtën nga Manchester City, të cilët morën një pikë më shumë.
Ky sezon, mendohet të jetë ndryshe për ekipin nga Merseyside, të cilët duken të pandalshëm. Edhe pse kanë humbur shërbimet e portierit Alisson për shkak dëmtimi, veterani Adrian është në treguar në lartësinë e duhur, duke treguar se nuk erdhi te Liverpooli për të qenë spektator. Sot, gardiani foli për faqen zyrtare të klubit, ku tha:
“Ne vazhdojmë të luftojmë. Kemi bërë vërtet mirë, por ende nuk kemi arritur asgjë, kështu që duhet të vazhdojmë, të vazhdojmë të luftojmë. Jemi në një pozicion shumë të mirë në Premier League, po luajmë me energji dhe intensitet të mirë. Një ndjenjë e pabesueshme për mua individualisht, pasi dy muaj më parë, nuk e mendoja kurrë se do të isha në këtë pozitë”./abcnews.al
