Real Madrid tentoi gjatë gjithë verës për të siguruar shërbimet e Paul Pogba, por Manchester United rezistoi fort. “Djajtë e kuq” nuk kanë ndërmend të shesin mesfushorin francez dhe trajneri Solskjaer ka një mesazh të fortë për klubin spanjoll.
“Nuk ia vë veshin asaj çfarë thotë presidenti i Real Madrid. Pashë ndeshjen e tyre në Champions dhe pësuan një humbje të madhe. Paul po punon fort me ne dhe është totalisht i impenjuar me Manchester United.
Nëse në janar nisin sërish thashethemet e merkatos, atëherë do e menaxhojmë situatën siç kemi bërë në rastet e kaluara. Pogba është i lumtur me ne dhe nuk do të largohet askund”, përfundon Ole Gunnar Soskjaer për “The Mirror”. /abcnews.al
