Autokombajnat kanë nisur punën në Kukës. Korrja dhe shirrja e grurit ka filluar prej disa ditësh.
Këtë vit fermerët në fshatin Shtiqen nuk po marrin prodhimin që dëshironin. Thonë se moti i keq dhe me lagështi ua ka dëmtuar sipërfaqet e mbjella me drith.
Në merak janë edhe për cilësinë e prodhimit.
Tregojnë se kostot i kanë pasur të larta pasi grurin e mbollën kur karburanti ishte në cmime record.
Fermerët shprehin shqetësimin se çmimi këtë vit i grurit është i ulët. Fermerët e Shtiqnit kanë kultivuar rreth 800 ha toke bujqesore, por afro 300 hektarë të mbjellë me grurë, janë dëmtuar nga lagështia dhe temperaturat e pazakonta pergjate muajve Maj-Qershor.
