Ministri i Punëve të Jashtme të Serbisë, Ivica Daçiç deklaroi se Norvegjia ka vendosur të mbyllë ambasadën e saj në Prishtinë.
Këtë ai e ka thënë për TV Pink dhe ka shtuar se vendimin e ka mësuar pas një bisede me Sekretarin e Shtetit në Ministrinë e Jashtme të Norvegjisë, Ivin Vada Peterson, shkruan Euronews Serbia.
Sipas Daçiçit, ky vendim ka goditur institucionet në Prishtinë.
Duke folur për vendimin e kryeministrit të Kosovës për shpalljen terroriste të dy organizatave, Daçiç tha se Kurti nuk ka konstante në termat që përdor, por se e vetmja konstante e tij është “përpjekja e përgjithshme” për ta shpallur Serbinë dhe populli serb një komb gjenocidal./abcnews.al
