Largimi i Sandro Tonali ka lënë një “boshllëk” të vërtetë në mesfushën e Milan e për këtë arsye forcimi i këtij reparti është objektivi kryesor i “djajve” të Milanos, përgjatë kësaj merkatoje vere.
Pas nënshkrimit të Ruben Loftus-Cheek nga “blutë” e Chelsea, tashmë një tjetër mesfushorë është nisur drejt “kuqezinjve”, teksa bëhet fjalë për “tulipanin” e AZ Alkmaar, Tijjani Reijnders dhe tashmë mes klubit e lojtarit gjithçka është mbyllur.
Sipas raportimeve më të fundit nga mediat italiane, 24-vjeçari holandez ka pranuar kushtet e “kuqezinjve” të Milan, për një kontratë 5-vjeçare, në të cilën do të paguhet plot 1.7 milionë euro në vit.
Megjithatë, pavarësisht gjetjes së akordit me lojtarin, bordi i Milan nuk ka nisur ende negociatat me holandezët e AZ Alkmaar, me këta të fundit, që nuk pranojnë më pak se 18 milionë euro.
Ndërkaq, kujtojmë se Reijnders zhvilloi paraqitje fantastike sezonin e shkuar, teksa në 54 përballjet e zhvilluara në të gjitha kompeticioniet arriti të shënojë plot 7 gola, si dhe të dhurojë 12 asistime. /i.m /abcnews.al
