Kryeministri britanik, Rishi Sunak ka reaguar pas vendimit të gjykatës lidhur me planin e qeverisë britanike për të dërguar azilkërkuesit në Ruanda.
Ai tha nuk është dakord me vendimin e tyre dhe se Ruanda është vend i sigurt për emigrantët.
“Ndërsa e respektoj gjykatën, në thelb nuk jam dakord me vendimin e tyre. Unë besoj se qeveria e Ruandës ka dhënë garancitë e nevojshme për të siguruar që nuk ka rrezik real që azilkërkuesit e zhvendosur sipas politikës së Ruandës do të kthehen gabimisht në vendet e treta.
“Ruanda është një vend i sigurt. Gjykata e Lartë ra dakord. UNHCR-ja ka skemën e saj të refugjatëve për refugjatët libianë në Ruanda. Tani do të kërkojmë leje për të apeluar këtë vendim në Gjykatën e Lartë.
“Politika e kësaj qeverie është shumë e thjeshtë, është ky vend dhe qeveria juaj, që duhet të vendosin se kush do të vijë këtu, jo bandat kriminale.
Dhe unë do të bëj gjithçka që është e nevojshme për ta bërë këtë.”
/abcnews.al
