Bashkimi Evropian ka reaguar për herë të parë në lidhje me zhvillimet e fundit në Rusi, pas përplasjes së presidentit rus, Vladimir Putin me grupin mercenar, Wagner.
Përmes një postimi në rrjetet sociale, Presidenti i Këshillit Evropian, Charles Michel deklaroi se kjo është një çështje e brendshme ruse.
Michel theksoi se mbështetja e Bashkimit Evropian për Ukrainën dhe presidentin Volodymyr Zelensky është e palëkundur.
“Duke monitoruar nga afër situatën në Rusi. Në kontakt me liderët evropianë dhe partnerët e G7. Kjo është padyshim një çështje e brendshme ruse. Mbështetja jonë për Ukrainën dhe Presidentin Zelensky është e palëkundur”, shkroi ai në Twitter.
Closely monitoring the situation in Russia as it unfolds.
In touch with European leaders and @G7 partners.
This is clearly an internal Russian issue.
Our support for Ukraine and @ZelenskyyUa is unwavering.
— Charles Michel (@CharlesMichel) June 24, 2023
