Përfaqësuesi i Bashkimit Evropian, Joseph Borrel ka dalë në një konferencë për shtyp pas 4 orësh takim me kryeministrin e Kosovës, Albin Kurti dhe presidentin e Serbisë, Aleksandër Vuçiç.
Borrel u shpreh se thelbi i këtij takimi ishin zgjedhjet e reja në katër komunat e veriut të Kosovës dhe duket se palët janë dakordësuar për këtë pjesë.
Sa i përket 3 policëve të arrestuar ai u shpreh se ata duhet të lirohen urgjentisht dhe pa kushte.
“Në takimet e sotme me liderët e Kosovës dhe Serbisë, jemi fokusuar se si të qetësojmë situatën në terren; si të organizohen zgjedhje të reja dhe si të ktheheni në dialog dhe zbatimi i të gjithë zbatimit të Dialogut. Ne kemi hedhur në tryezë propozime konkrete.
Ne ramë dakord për nevojën për zgjedhje të reja. Ne diskutuam modalitetet dhe rrugën përpara – Arrestimet arbitrare ose keqtrajtimi i të burgosurve është i papranueshëm. Eulex do të luajë një rol më të fuqishëm në monitorim. 3 policët e mbajtur në Serbi duhet të lirohen urgjentisht dhe pa kushte” tha ndër të tjera Borrell.r.t/abcnews.al
