Pasi zyrtarizoi dy goditjet e para në merkaton e verës, Tirana vazhdon punën për plotësimin e skuadrës për sezonin e ardhshëm që nis në korrik me impenjimin në fazën eliminatore të Konferencë Ligës. Kaina Nunes dhe Gentian Selmani ishin dy prurjet e reja, ndërsa të tjerë pritet të vendosen në dispozicion të trajnerit Orges Shehi.
Të shumtë janë emrat që afrohen me bardheblutë, disa prej tyre që spikatën në sezonin e fundit të Superligës. Gjithsesi, drejtuesit e Tiranës nuk duan të shpejtojnë, pasi duhet t’I bëjnë llogaritë edhe me largimet e mundëshme.
Disa lojtarë duhet të fimosin rinovimet, ndërsa të tjerë si Florent Hasani kanë oferta të rëndësishme nga jashtë Shqipërisë. Golashënuesi më i mirë i Superligës mund të largohet për një shumë të konsiderueshme, ashtu siç ka ndodhur edhe në të shkuarën me yjet bardheblu.
Por një gjë është e sigurtë. Tirana pritet të jetë një kantier ndërtimi në javët e ardhshme, kur Orges Shehi duhet të ketë idetë e qarta për skuadrën që do të ketë në Europë dhe mbi të gjitha atë që do të synojë rikthimin te titulli kampion në Superligë./h.ll/abcnews.al
