Paleontologët në Afrikën e Jugut kanë gjetur varrin më të vjetër të njohur në botë, i cili përmban eshtrat e një të afërmi të largët të njeriut me një tru të vogël.
Studiuesit e udhëhequr nga paleoantropologu Lee Berger njoftuan se kishin zbuluar disa ekzemplarë të Homo naledi, një hominid i epokës së gurit që ngjitet në pemë.
Eshtrat u varrosën rreth 30 metra nën tokë në një sistem shpellash brenda Djepit të Njerëzimit, një vend i mbrojtur nga UNESCO pranë Johanesburgut.
“Këto janë varrosjet më të vjetra të homininëve të regjistruar ndonjëherë, që paraprijnë dëshminë e varrimeve të Homo sapiens me të paktën 100,000 vjet“, shkruajnë shkencëtarët në një seri punimesh ende për t’u rishikuar dhe botuar në revistën eLife.
Gjetjet sfidojnë kuptimin aktual të evolucionit njerëzor, pasi zhvillimi i një truri më të madh mendohet të ketë mundësuar kryerjen e aktiviteteve komplekse, “kuptimplote”, si varrosja e të vdekurve.
Varret më të vjetra të zbuluara deri më tani u gjetën në Lindjen e Mesme dhe Afrikë dhe përmbanin mbetjet e homo sapiens, dhe ishin rreth 100,000 vjet të vjetra.
Varri Berger i gjetur në Afrikën e Jugut daton të paktën 200,000 para Krishtit./abcnews.al
