Një gazetë kineze e mbështetur nga shteti kritikoi vizitën e një zyrtari të lartë të Departamentit të Shtetit të SHBA në Kinë, duke thënë se vizita e tij ishte e motivuar më shumë nga vetë qëllimi i Uashingtonit për ta portretizuar veten si pala që kërkon komunikim dhe jo Pekini.
Shtetet e Bashkuara janë përpjekur të krijojnë një imazh si një vend përgjegjës duke dhënë një “mesazh të vullnetit të mirë” për botën e jashtme se kanë kërkuar komunikim me Kinën dhe duke u përpjekur t’i hedhin fajin Kinës për mungesën e komunikimit ose refuzimin e komunikojnë, shkroi Global Times vonë të dielën, duke cituar ekspertë kinezë.
Komenti i ashpër përkoi me ardhjen e Ndihmës Sekretarit të Shtetit për Çështjet e Azisë Lindore dhe Paqësorit, Daniel Kritenbrink në Pekin, në një vizitë që Departamenti i Shtetit tha se do të ketë diskutime mbi “çështjet kryesore në marrëdhëniet dypalëshe” të dy superfuqive.
Marrëdhëniet Kinë-SHBA kanë rënë në nivele të reja më të ulëta që kur Sekretari i Shtetit i SHBA, Antony Blinken anuloi një udhëtim të planifikuar në Kinë në shkurt pasi një balonë që pretendohet të ishte spiune kineze, fluturoi në hapësirën ajrore të SHBA.
Tensionet janë përkeqësuar më tej pasi të dyja palët u përplasën për çështje që variojnë nga Tajvani i qeverisur në mënyrë demokratike, të cilin Kina e pretendon si të sajin, deri te aktivitetet ushtarake në Detin e Kinës Jugore./abcnews.al
