Ministri serb i Punëve të Jashtme, Ivica Daçiç deklaroi se Serbia dëshiron një prani më aktive të Organizatës për Siguri dhe Bashkëpunim Evropian (OSBE) në Kosovë.
Pas takimit të sotëm me kryetarin e OSBE-së dhe ministrin e Punëve të Jashtme të Maqedonisë së Veriut, Bujar Osmani, Daçiç tha se është e rëndësishme që misioni i organizatës të vazhdojë të funksionojë, duke pasur parasysh rolin që duhet të ketë në zbatimin e rezolutës 1244 dhe marrëveshje të tjera ndërkombëtare, shkruan Tanjug.
“Ne besojmë se të gjitha misionet ndërkombëtare në Kosovë duhet të vazhdojnë të punojnë dhe të kenë sa më shumë hapësirë për aktivitetet e tyre, në mënyrë që të mundësohet stabilitet dhe paqe në atë zonë.
Kur u nënshkrua Marrëveshja e Brukselit, roli i OSBE-së ishte i përcaktuar qartë në organizimin e zgjedhjeve në Kosovë, por do t’ju kujtoj se zgjedhjet e fundit janë mbajtur pa pjesëmarrjen e OSBE-së për herë të parë”, theksoi ai./abcnews.al
