Kamza është një ndër bashkitë që ka raportuar për probleme në përdorimin e pajisjes elektronike për votimin.
Gazetarja Esiona Konomi, nga një qendër votimi në Kamzë, raporton se disa nga problemet e hasura janë mungesa e prizave në këto ambiente dhe një tjetër problem është edhe udhëzimi që duhet që të marrin votuesit për përdorimin e pajisjes së votimit.
Një qytetare për ABC News është shprehur se ishte hera e parë që ajo votonte në një mënyrë të tillë, por që ishte shumë më mirë se më parë.
“Ishte hera e parë që kam votuar, por ishte më mirë më bukur. Vota është e fshehtë dhe është në vendin e duhur”, ka thënë ajo.
Ndërkohë Kamza është një ndër tre bashkitë ku do të aplikohet numërimi elektronik dhe pritet që rezultatet të shpallen në orën 20:00 të mbrëmjes. /abcnews.al
