Nëse merr pushtetin, opozita turke e udhëhequr nga Kemal Kilicdaroglu premton t’i rikthehet diplomacisë së butë me Europën dhe aleatët perëndimorë të Turqisë dhe përmirësimin e marrëdhënieve me Sirinë fqinje.
“Shumica e problemeve tona me Bashkimin Europian rrjedhin nga mungesa e demokracisë në Turqi,” tha për AFP Ahmet Unal Cevikios, një këshilltar special i kandidatit të opozitës Kemal Kilicdaroglu, kundërshtari kryesor i Tayyip Erdogan në zgjedhjet presidenciale të 14 majit.
Kilicdaroglu ka bërë të ditur se një nga prioritetet e partisë së tij dhe koalicionit që e mbështet atë është rifillimi i procesit të anëtarësimit të Turqisë në Bashkimin Europian.
Procesi i anëtarësimit, i cili ka qenë de facto i ngrirë për 15 vjet për shkak të hezitimit të disa vendeve europiane si Franca, “do të mbështesë kthimin e Turqisë në demokraci”, tha Ahmet Unal Çeviköz.
Përveç kësaj, këshilltari special i Kilicdaroglu është në favor të ruajtjes së marrëveshjes së vitit 2016 me Bashkimin Europian, sipas së cilës Turqia strehon emigrantë, kryesisht sirianë, në territorin e saj për gjashtë miliardë euro: por ajo ka nevojë për një rishikim të marrëveshjes për të përmirësuar efektivitetin”, tha Ahmet Unal Cevikios.
“Problemi ka të bëjë si me Europën ashtu edhe me Turqinë, e cila është një vend destinacioni, por edhe një kalim për emigrantët. Por Bashkimi Europian nuk ka një politikë imigracioni”, thekson Cevikioz.
“Gjëja më e rëndësishme është të formulohet një politikë imigracioni që do të harmonizojë strategjitë kombëtare të vendeve anëtare,” këmbëngul këshilltari i Kilicdaroglu.
Turqia ka mirëpritur 5 milionë refugjatë, nga të cilët 3.7 janë sirianë, të cilët partia është zotuar t’i kthejë në Siri brenda dy viteve, “në baza vullnetare dhe për sa i përket dinjitetit”.
Në përgjithësi, opozita turke dëshiron të kthejë faqen e diplomacisë transaksionale, e cila përbëhet nga premtime dhe fjalë boshe. Ajo gjithashtu synon të luajë plotësisht rolin e saj në kuadrin e NATO-s, në të cilën Turqia merr pjesë prej 70 vitesh, theksoi Ahmet Unal Çevikıöz.
/abcnews.al
