Urgjenca në spitalin rajonal të Lezhës këto ditë ka pritur një fluks të lartë pacientësh. Pjesa më e madhe e tyre janë fëmijë me simptomat e virozave të stinës. Mjekët thonë se spitali nuk i ka kapacitetet e duhura për këtë fluks, por situata është arritur të menaxhohet.
Ugjenca e spitalit rajonal të Lezhës këto ditë ka qenë e tejmbushur.
Me vetëm 12 krevate pediatria ka përballuar një fluks deri në 100 vizita në ditë.
Shumë prej pacientëve janë paraqitur me temperaturë të lartë dhe të prekur nga virozat e stinës.
Mjeku pediatër Bardhok Gjoka thotë se ka patur angazhim të plotë për të përballuar situatën megjithëse një numër i vogël pacientësh janë dërguar në Tiranë.
Në verë gjendja rëndohet për shkak të virozave dhe mbi ngarkesës së krijuar nga ardhja e pushuesve dhe emigrantëve në atdhe.
Për pak ditë situata në spitalin e Lezhës mund të quhet e tejkaluar./ABC News Albania 24/7
