Portieri i Manchester United, David De Gea duket se do të vazhdojë karrierën e tij në “Old Trafford” duke firmosur një rinovim kontrate me “Djajtë e Kuq”.
Spanjolli më parë e ka bërë të qartë se ai e do Manchester United, duke iu përgjigjur kështu spekulimeve për një largim me parametra zero në fund të sezonit. Ten Hag gjithashtu ka lavdëruar portierin e tij dhe ka mbrojtur aftësitë e tij, duke këmbëngulur se De Gea është një portier i kompletuar.
United duket se do të vazhdojë me De Gean dhe tani do të kenë prioritet forcimin e pozicioneve të tjera në skuadër në merkaton e verës dhe jo portën./ h.ll/abcnews.al
