Kapshticë/ Fluks lëvizjesh në të dyja anët e kufirit. Burimet zyrtare bëjnë të ditur se nga kjo pikë kalimi gjatë 24 oreve të fundit kanë hyrë dhe kanë dalë më shumë se 8 mijë shtetas shqiptarë dhe të huaj. Fluksi më i lartë ka qenë në hyrje të territorit shqiptar me 5612 qytetarë. Por lëvizje të shtuara gjatë orëve të fundit ka pasur edhe në drejtim të vendit fqinj me 3257 qytetarë. Për të përballuar fluksin në rritje të levizjeve ndërkufitare policia jonë kufitare ka shtuar numrin e sporteleve, duke hapur 3 të tillë në dalje dhe 4 në hyrje. Ndërkohë nga pala greke ashtu si dje po punohet me 4 sportele.
Në 3 ditët e fundit kanë hyrë nga Greqia në drejtim të vendit tonë më shumë se 16 mijë shtetas dhe kane dalë afër 7 mijë.
Nga ana tjetër në pikën e kalimit kufitar të Qafëthanës që lidh Shqipërinë me Maqedoninë e Veriut kanë hyrë dhe dalë me shume se 4. 500 shtetas./abcnews.al
