Qyteti i vogël Calais në Maine, SHBA, i cili ndodhet në një zonë pyjore pranë kufirit me Kanadanë dhe ka një popullsi prej pak më shumë se 3000 banorë ka tërhequr interesin e “gjuetarëve të meteorëve”.
Kjo për shkak se ka dyshime se meteoritët kanë rënë në zonë dhe muzeu po ofron një shpërblim prej 25 mijë dollarësh për këdo që gjen copëza të meteorëve. NASA tha se rënia e meteorit u vu re në radar, e para për Maine dhe dëshmitarët dëgjuan zhurmë.
Muzeu dëshiron të shtojë copëzat në koleksionin e tij të shkëmbinjve hënor dhe marsian, tha Peet, kështu që “gjuetarët e meteorëve” të parë që do të dorëzojnë një ekzemplar prej një kilogrami do të marrin 25,000 dollarë.
Sipas Pitt, fakti që radari zbuloi rënien konfirmon se copat e meteoritëve mund të gjenden në tokë. Megjithatë, nuk ka asnjë garanci se ka pjesë të meteoritëve mjaft të mëdhenj për të përmbushur kushtet e muzeut.
NASA tha në faqen e saj të internetit se “masat e meteoritëve të vlerësuar nga të dhënat e radarëve variojnë nga 1.59 gram në 322 gram, megjithëse masa më të mëdha mund të kenë rënë “.
/abcnews.al
