Policia ka bërë me dije të tjera detaje rreth ngjarjes me dy viktima në qytetin e Kavajës.
Altin Rexha dhe Edmond Gosa, si pasojë e një konflikti të mëparshëm, janë përplasur mbrëmjen e sotme, ku ka qenë fillimisht Gosa ai që qëlluar me thikë Rexhën, më pas ky i fundit ka nxjerrë pistoletën dhe ka qëlluar në drejtim të kavajasit.
Si pasojë e plagëve të marra të dy shtetasit ndërruan jetë rrugës për në spital.
Sipas banorëve të zonës, Rexha ishte i ardhur nga Kukësi, ndërsa në momentin e ngjarjes kishte pasur përdore djalin e tij të mitur.
Uniformat blu bëjnë me dije se dy viktimat kanë ndryshuar emrat e tyre, përkatësisht, Altin Rexha në dokumenta e ka Sali Rexha, ndërsa Edmond Gosa në dokumenta e ka Armand Gosa.
Njoftimi i policisë:
Nga verifikimet e sakta të kryera nga grupi hetimor, pas gjetjes së dokumenteve të identifikimit, shtetasi Altin Rexha e ka ndryshuar emrin dhe në dokumente e ka Sali Rexha.
Në vijim të informacionit të dhënë në lidhje me ngjarjen në Kavajë, ju informojmë se nga verifikimet e sakta të kryera nga grupi hetimor, pas gjetjes së dokumenteve të identifikimit, shtetasi Edmond Gosa e ka ndryshuar emrin dhe në dokumente e ka Armand Gosa. Emrat i kanë ndërruar me gjendje civile.r.t/abcnews.al
