Volodymyr Zelensky ka qenë i pakursyer në kritikat e tij ndaj homologut të tij rus Vladimir Putin. Zelensky tha se Putin ishte një “person i izoluar nga ana informative” që kishte humbur gjithçka gjatë një viti luftë.
“Ai nuk ka aleatë”, tha Zelensky, duke shtuar se e kishte të qartë se as Kina nuk ishte më e gatshme të mbështeste Rusinë.
Presidenti Xi Jinping ka marrë pjesë së fundmi në një vizitë shtetërore në Moskë dhe i bëri një ftesë Putinit për të vizituar Pekinin.
Zelensky sugjeroi se njoftimi i Putinit menjëherë pas vizitës së Xi se ai do të vendoste armët taktike bërthamore në Bjellorusi, më afër territorit të NATO-s, kishte për qëllim të shmangej nga fakti se vizita e liderit kinez nuk shkoi ashtu siç ai e pritste.
Putin tha se masa ishte në kundërshtim me vendimin e Britanisë për të ofruar më shumë municione me uranium në Ukrainë. Bjellorusia e ka cilësuar këtë veprim si një përgjigje ndaj agresionit të NATO-s në kufijtë e saj.
Pavarësisht provokimeve bërthamore të Putinit dhe disa retorikave të ashpra që kanë ardhur nga aleatët e tij si Dmitry Medvedev, Zelenskiy tha për AP se nuk beson se lideri rus është i përgatitur të përdorë bombë bërthamore.
/abcnews.al
